توحد لو اضطراب تواصل !
قبل كم يوم شفت حاله لطفل
الطفل سمعه جيد
نظره جيد
يرد على طلباتي
و يعرف الالوان
و ما عنده اي مشكله مرضيه
بس
و بس كبيره
ما ينظر بالعين
و طبعا بالتاريخ الطبي
الطفل ساكن على التلفزيون بعمر اقل السنه
فكان السؤال !!!
هل هو توحد ؟
و الجواب لا
الطفل ما مصاب بالتوحد
الطفل مصاب باضطراب التواصل الاجتماعي
حاله قد تشبه التوحد
بس هي مو توحد
اضطراب التواصل صار منتشر بكثره
و السبب ؟
عوامل كثيره
منها العزله الشديده
عدم الاختلاط
الخوف المبالغ
الطفل صار ما يلعب و لا يكمز و لا يتوسخ و لا يتطين
ما يحس لا بجوع و لا شبع لان انت ترضعيه و توكليه و هو نايم او متمدد على التلفزيون
الطفل صاير يكبر ما يعرف شنو احساس او يستخدم حاسه النظر
و الحل ؟
الحكي للطفل و خليه يلعب و يتفاعل و يكمز و يتوسخ و يحس بالجوع و يوكع و ينضرب
خليه يتحسس و يسمع صوتك
احجي وياه و و اطلبي منه يجيب الطماطه و الخيار و الباميه
خليه يعيش حياه تفاعلية حقيقه
يعرف بيها احساس الجوع و الشبع و الالم و الملمس و يشم الورد و يسمعك تغني و هو يغني
يلعب ويه الاطفال و يضرب و ينضرب و عوده يقوى
و هو راح يستعدل شويه شويه
د. سيف سمير البياتي اخصائي طب الاطفال
تعليقات
إرسال تعليق