Publisher ID: pub-9205925362999390
ارتفاع درجة الحرارة مره و ٢ و ٣ و ٤
ليش لا اكتب عنها
من اهم الاعراض اللي تواجه كل الاباء و الامهات هو ارتفاع درجه الحرارة
طيب ليش اصلا ترتفع درجه الحرارة ؟
الحراره هي مقياس !!!
الحرارة جزء من النظام المناعي اللي يحمي الطفل فمن يدخل جسم غريب يبدي جهازه المناعي يتحفز و تصير معركه كبيره للقضاء على هذا الجسم الغريب و بالتالي ترتفع الحرارة
اذا ارتفاع الحرارة دليل على المعركه اللي دا تصير بجسمنا
و طبعا اكيد معناها انه نظامه المناعي دا يشتغل بصورة صحيحة
بس احيانا يكون الطفل غير مرتاح و منزعج
هنا علينا ننزلها شويه شويه
❌ ممكن تكون الحرارة خطيرة و تسبب تلف بخلايا الدماغ؟
اللي يسبب تلف الدماغ هي درجة الحرارة فوق ٤٢ درجة
الدرجة اللي استحاله تصير باي التهاب
لذلك الحرارة نفسها ما تتلف خلايا الدماغ
اعلى حراره ممكن توصلها هي ٤٠ و نصف تقريبا
✅ طيب شنو الدرجات اللي تكول الحرارة عالية او لا ؟
منزل منشور مفصل عن قياس الحرارة و الدرجات
اكول بيه اعتمدوا على قياس حرارة تحت الابط
الدرجه اللي تحفظوها هي ٣٧.٢ هذا معناها الطفل مرتفعة حرارتة
اقل من هذا طبيعي
اكثر او يساوي ٣٧.٢ هذا مصخن
طرق القياس الاخرى مثل الفم و الشرج هي ٣٧،٨ و فوك يعتبر مرتفعه حرارته
بس كمعلومة افضل بصورة عامة القياس عن طريق تحت الابط
✅ اكثر ارتفاعات الحرارة من الممكن التعامل وياها بالبيت عدا :
١. اي ارتفاع لدرجة الحرارة لاعمار تحت ٣ اشهر
.
.
٢- أرتفاع درجة الحرارة فوق ال ٣٩ درجة في أي عمر مع:
🌡️ زرْقة في الشفتين.
🌡️صعوبة في التنفس.
🌡️الإمتناع عن الأكل والشرب أو الرضاعة أو ظهور أعراض الجفاف.
🌡️الخمول و قلة النشاط حتى لو نزلت الحرارة
🌡️ظهور طفح جلدي.
🌡️ظهور علامات التهاب الأذن زي هز الرأس والبكاء المستمر أو خروج إفرازات من الأذن.
🌡️عدم القدرة على النوم .
🌡️الكحة الشديدة.
🌡️الحالة تسوء و لا تتحسن
✅ شون نتعامل ويه الحرارة؟
اولا الادوية
و هنا اطلب منكم انه تستخدمون الباريستول بمختلف تسمياته مثل البندول و الادول و البارزار و الانتي بايرول و الفولبان و البارادنك و الدولفينت و الدولبران و الريفانين و بعد و بعد
هذه بيها توصيات عامه
انه ما يصير تحميلة و شراب بنفس الوقت
اقل فتره بين جرعة و اخرى هي ٤ ساعات
ثانيا البروفين اتركوه بدون وصفه طبيه
ثالثا الفولتارين و هذا استخدامه سهل همين اتركوه بدون وصفه طبيه 😁😁🙃
رابعا البونستان و هذا هم استخدامه سهل همين اتركوه بدون وصفه طبيه 🙃🙃😁😁
.
.
الكمادات طريقة اخرى لتنزيل الحرارة
نذكر انه ابدا ما يصير استخدام الماء البارد للتبريد و لا الثلج لان دائما تذكر انه الهدف من خفض الحرارة هو اراحه الطفل مو ازعاجه و جعله يبرد و يرتجف و بعدين تصعد الحرارة اعلى ثاني
شغلة ثانية اكو يخلون كحول ما اعرف ايش على الطفل و هذا تصرف خاطيء خاطيء لانه الكحول اصلا سام و يمتص من الجلد !!
🔴 وين نخلي الكمادات ؟
ب ماء فاتر على الأماكن التالية
👈🏻 جانبي الرقبة و تحت الإبطين و الجهة الداخلية لمفصل الفخذ .
و الافضل الكمادات تصير بعد اخذ خافض الحرارة بساعة
و بس
د. سيف سمير البياتي
اخصائي طب الاطفال
فيديو يوضح طريقة التعامل مع الشمرة الحرارية
https://youtu.be/ZYxN7FPIzUQ
تعليقات
إرسال تعليق